XIX. O tu suavissima virga

Responsum: O tu suavissima virga frondens de stirpe Iesse o quam magna virtus est, quod divinitas in pulcherrimam filiam aspexit, sicut aquila in solem oculum suum ponit.   Cum supernus pater claritatem virginis adtendit, ubi verbum suum in ipsa incarnari voluit.   Versus: Nam in mistico misterio dei, illustrata mente virginis, mirabiliter clarus flos ex ipsa virgine exivit.   Cum supernus pater claritatem virginis adtendit, ubi verbum suum in ipsa incarnari voluit.   Gloria patri et filio et spiritui sancto, sicut erat in principio.   Cum supernus pater claritatem virginis adtendit, ubi verbum suum in ipsa incarnari voluit.